Miklaborg kynnir: Falleg og björt þakíbúð á mjög eftirsóttum stað í Freyjugötu, gegnt styttugarði Listasafns Einars Jónssonar. Húsið er eitt af þessum fallegu og virðulegu húsum sem einkenna þennan hluta Skólavörðuholtsins. Um er að ræða fjórbýlishús með einni íbúð á hverri hæð. Húsið stendur fyrir neðan götu og bakvið hús er stór sameiginlegur garður til suðurs. Róleg einstefnugata í stuttu göngufæri við allt það sem miðbærinn hefur upp á að bjóða. Þegar komið er úr gönguferð úr miðbænum er mjög skemmtilegt að velja aðkomu að húsinu í gegnum styttugarð Einars Jónssonar.

Nánari upplýsingar veitir Þröstur Þórhallsson lögg. fasteignasali í síma 8970634 eða throstur@miklaborg.is

Nánari lýsing: Íbúðin var nær öll endurgerð árið 2018 m.a. rafmagn, lagnir, gólfhiti í allri íbúð og innbyggð hljóðkerfi frá Bang & Olufsen í eldhúsi, stofu og baðherbergi. Íbúðin er stærri en skráning segir til um þar sem hluti hennar er undir súð - Grunnflötur hennar er 105,5 m2, góð nýting á herbergjum og rýmum undir súð. Komið er inn í bjarta og rúmgóða forstofu með miklu skápaplássi. Úr forstofu er gengið annars vegar inn í herbergi og hins vegar inn á gang. Herbergið er bjart með þakgluggum og fallegu útsýni yfir Hallgrímskirkju og Listasafn Einars Jónssonar. Parket á gólfi og fataskápur. Af gangi er gengið inn í svefnherbergi, baðherbergi og stofur. Baðherbergi er rúmgott með eldri sérsmíðaðri innréttingu og tengi fyrir þvottavél og þurrkara. Baðkar með sturtuaðstöðu. Gluggi er á baði. Svefnherbergi er bjart með þakgluggum og fallegu útsýni yfir Hallgrímskirkju og Listasafn Einars Jónssonar. Parket á gólfi og sérsmíðaður fataskápur. Stórar og bjartar stofur eru samliggjandi með opnu og fallegu, nýlegu eldhúsi í öðrum endanum, borðstofu og dagstofu. Í dag er búið að stúka af svefnherbergi með léttumm millivegg þar sem áður var dagstofa. Loft eru upptekin í stofunni og nær 4 m. lofthæð yfir borðstofu sem gefur íbúðinni mikinn karakter og léttleika. Frá stofu er gengið út á suður/suðvestur svalir með fallegu útsýni. Stofa, borðstofa og eldhús mynda skemmtilega heild. Eldhús er nýlega endurnýjað. Falleg hvít innrétting og parket á gólfi. Íbúðinni fylgir geymsluloft og lítil geymsla í kjallara. Sameiginlegt þvottahús og hjólageymsla er einnig í kjallara. Ljósleiðari er tengdur inn í íbúð. Geymsluloft er yfir hluta íbúðarinnar.

Dásamlegt útsýni yfir borgina. Úr íbúðinni sést Hallgrímskirkja, Esjan, Perlan og margt fleira. Á veturna sjást norðurljósin vel úr íbúðinni sem og flugeldarnir á gamlárskvöld. Góðar suður/suðvestur svalir með fallegu útsýni sem njóta sólar stærstan hluta dags.

Stór skjólgóður suðurgarður og stutt í allar áttir.

Nánari upplýsingar veitir Þröstur Þórhallsson lögg. fasteignasali í síma 8970634 eða throstur@miklaborg.is