Borg fasteignasala kynnir frábært sumarbústaðaland (eignarland) i Grímsnesinu.
 
STEYPTUR GRUNNUR · SAMÞYKKTAR TEIKNINGAR · HEILSÁRSVEGUR · GISTIAÐSTAÐA KLÁR
 
Lóðin er að Þórisstöðum í Grímsnes- og Grafningshreppi. 75 km akstur er frá Reykjavík og golfvellir í næsta nágrenni. Lóðin stendur hátt og gott útsýni yfir helstu náttúruperlur Suðurlandsins. Stutt er í Sólheima í Grímsnesi og má segja að sumarhúsasvæðið standi milli Borgar í Grímsnesi og Laugaráss við Skálholt.   
 
Stór hluti af undirbúningsvinnu fyrir nýtt hús á lóðinni er þegar lokið. Steyptur grunnur er kominn, samþykktar teikningar liggja fyrir og lagnir eru tilbúnar. Það eina sem vantar er að reisa draumahúsið. Á meðan á byggingarframkvæmdum stendur geta nýir eigendur nýtt sér fullbúna gistiaðstöðu í sérstæðu húsi sem nú stendur á lóðinni, slakað á í heita pottinum og notið útsýnisins milli verka.
 
Lóðin og útsýnið: Lóðin stendur hátt sem tryggir ævintýralegt 360° útsýni á jökla, fjöll og heiðar. Sjóndeildarhringurinn skartar Langjökli, Tindfjöllum, Bláfelli, Hlöðufelli, Bjarnarfelli við Geysi, Hestfjalli og Laugafelli. Búið er að gróðursetja tré á lóðarmörkum hringinn kringum bústaðinn.
 
Fullkomið aðgengi allan ársins hring: Góður vegur liggur að lóðinni. Búið er að útbúa mjög gott aðgengi inn á lóðina með  fullfrágengnu, stóru bílastæði norðan við húsgrunninn sem rúmar 4-6 bíla, auk þess sem þar er hleðslustöð fyrir rafbíla.
 
Steyptur grunnur og lagnir: Tilbúið til framkvæmda:  Húsgrunnur fyrir um 85 fm hús hefur verið steyptur ásamt plötu með ílögðum hitalögnum.  Hægt væri  að fengnu samþykki byggingaryfirvalda að stækka grunninn um 1-1,5 metra til norðurs þar sem þegar hefur verið skipt um jarðveg. Gengið hefur verið frá stórri rotþró ásamt lögnum. Sérstök drenlögn (sem fer ekki í rotþró) hefur verið lögð fyrir þakvatn, frárennsli úr heitum potti og ofnakerfi.
 
Gestahús: (15 fm) Á lóðinni er 15 fm steypt plata með hitalögnum þar sem gestahús hefur verið reist. Húsið er einangrað og plastað (það á eftir að klæða veggi og loft að innan). Búið er að leggja rafmagn, heitt og kalt vatn. Þar er gert ráð fyrir salerni og vaski og í dag eru þar þvottavél og þurrkari. Frábær viðbót sem nýtist sem gistirými eða vinnuaðstaða.
 
Íverustaður: (18 fm) Á aðal húsgrunninum stendur í dag um 18 fm kofi sem er fullkomin dvalaraðstaða á meðan framkvæmdir standa yfir. Það athugast að aðeins er leyfi fyrir honum meðan á húsbyggingu stendur en flytja þyrfti hann af lóðinni þegar hús hefur risið. Húsið fylgir með í kaupunum. Þar er rafmagn, heitt og kalt vatn, klósett, sturta, eldunaraðstaða og svefnpláss. Kofinn stendur á súlum og er auðvelt að aftengja hann og flytja á brott (eða selja) þegar búið er að byggja nýtt hús. 
 
Heitur pottur og pallur: Vestan við gestahúsið heitur pottur. Hann er tengdur hitaveitu með síma-fjarstýringu (snjallstýringu) þannig að potturinn getur verið heitur þegar komið er á staðinn. Frárennsli frá ofnakerfi nýtist beint í pottinn. Snyrtilegur pallur er umhverfis pottinn sem tengist yfir á húsgrunninn og að kofanum.
 
Allt er klárt fyrir byggingarframkvæmdir og búið að samþykkja teikningar. 
 
Hér er á ferðinni algjör drauma eign fyrir þá sem vilja sleppa við þyngstu og dýrustu undirbúningsvinnuna við sumarbústaðabyggingu, en vilja um leið geta hafið dvalir á lóðinni frá fyrsta degi. Sjón er sögu ríkari.

Allar nánari upplýsingar veita:
Börkur Hrafnsson í síma 892-4944, borkur@fastborg.is
Ingimar Ingimarsson í síma 861-8458,  ingimar@fastborg.is 
 
Gjöld sem kaupandi þarf að standa straum af ef að kaupum verður:
1. Stimpilgjald af fasteignamati fasteignar er 0.8%, en 0,4% fyrir fyrstu kaup og 1,6% fyrir lögaðila.  
2. Þinglýsingargjald: kaupsamningi, skuldabréfi, veðleyfi, afsali o.s.frv. er kr. 3.800 af hverju skjali.
3. Lántökukostnaður samkvæmt verðskrá viðkomandi lánastofnunar.
4. Umsýslugjald til fasteignasölu skv. gjaldskrá.
 
Skoðunarskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Borg fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.