Svavar Friðriksson, löggiltur fasteignasali og fasteignasalan TORG kynna eignina Hvanneyrarbraut 61, 580 Siglufjörður, nánar tiltekið eign merkt 01-01, fastanúmer 213-0563 ásamt öllu því sem eigninni fylgir, þar með talið tilheyrandi lóðar og sameignarréttindi.
Eignin Hvanneyrarbraut 61 er skráð sem hér segir hjá FMR: Eign 213-0563, birt stærð 145.4m2.
Nánari upplýsingar veitir Svavar Friðriksson Löggiltur fasteignasali., í síma 623-1717, tölvupóstur svavar@fstorg.is.
Fáðu söluyfirlit hér.

Einbýlishús á tveimur hæðum með stórum garði og fallegu útsýni. Á efri hæð eru forstofa, eldhús, rúmgóð stofa, svefnherbergi með fataherbergi og salerni. Á neðri hæð eru þrjú svefnherbergi, baðherbergi, þvottahús/geymsla og forstofa. Timburstigi tengir hæðirnar.
Í stofunni er sérstakt veggmálverk eftir Ragnar Pál frá árinu 1956. Verkið sýnir síldarstúlkur við störf og er málað á rúnnaðan vegg.

Ýmsar endurbætur hafa verið gerðar á eigninni. Skipt hefur verið um flesta glugga og settir viðhaldsfríir gluggar með þreföldu gleri. Tveir gluggar til viðbótar eru til staðar, ætlaðir í svefnherbergi og baðherbergi á neðri hæð, en eftir er að setja þá í. Allt rafmagn á efri hæð hefur verið endurnýjað. Nýtt vatnsinntak var tekið inn árið 2023 og skipt hefur verið um vatnslagnir í eldhúsi og lagnir að ofnum. Þakið var málað árið 2022.

Nánari lýsing:
Forstofur: Inngangur er á báðum hæðum. Forstofa efri hæðar er flísalögð, með fatahengi og glugga. Dúkur er á gólfi forstofu á neðri hæð.
Eldhús: Endurnýjað með hvítri IKEA-innréttingu og grárri borðplötu. Hitalagnir eru í gólfi en hafa ekki verið tengdar.
Stofa: Rúmgóð og með góðum gluggum sem veita fallegt útsýni. Parket á gólfi.
Svefnherbergi á efri hæð: Inn af stofu, aðskilið með vængjahurð. Fataherbergi er inn af svefnherberginu og parket á gólfi. Svalahurð er til staðar en svalirnar hafa verið fjarlægðar.
Salerni á efri hæð: Viðarinnrétting með vaski og gólftengt salerni. Flísar á gólfi og dúkur á veggjum. Aðgangur að háalofti er úr rýminu og rafmagnstafla er í skáp.
Svefnherbergi á neðri hæð: Þrjú herbergi með parketi á gólfum. Rúmgóðir fataskápar eru í einu þeirra.
Baðherbergi á neðri hæð: Baðkar með sturtuaðstöðu, vaskur og nýlegt gólftengt salerni. Panell á veggjum og dúkur á gólfi.
Þvottahús/geymsla: Niðurgrafið rými með steyptu gólfi og glugga með opnanlegu fagi. Gott geymslupláss.
ALLAR NÁNARI UPPLÝSINGAR VEITIR SVAVAR, LGFS, Í SÍMA 623-1717 - SVAVAR@FSTORG.IS

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Væntanlegum kaupendum er bent á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun. Almennt getur kaupandi ekki borið fyrir sig að ástand eignar sé annað en það sem hann hefði mátt sjá við slíka skoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Almennt um fylgifé íbúðarhúsnæðis:
Til fylgifjár íbúðarhúsnæðis teljast varanlegar innréttingar og búnaður sem annaðhvort er skeytt varanlega við fasteignina eða er sérstaklega sniðinn að henni. Þetta á meðal annars við um fastan búnað og lagnir til hitunnar og vatnsmiðlunar, rafmagnsvirki og leiðslur, loftnet og annan móttökubúnað í eigu seljanda, sem fest eru á fasteign, föst gólfteppi og önnur gólfefni sérstaklega tilsniðin, gluggabúnað, bað- og eldhúsinnréttingar og tæki og vélar sem eru sérstaklega felld inn í innréttingarnar og verða hluti af þeim og aðra innbyggða hluta.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:
  Nýtt - Eignin er nýbygging.
  Upprunalegt - Seljandi veit ekki til þess að byggingarhluti hafi verið endurnýjaður.
  Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
  Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
  Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.