Elka lgf. s. 863-8813 hjá Fasteignasölunni TORG kynnir Litlu Þúfu 1B í Kjósarhreppi – einstaklega fallega 30.540 m² eignarlóð með útsýni yfir Hvalfjörðinn og Meðalfellsvatn.
Lóðin er rúmlega þrír hektarar að stærð og stendur í fallegu og friðsælu sveitaumhverfi, með höfuðborgarsvæðið í þægilegri akstursfjarlægð. Áhugaverður kostur fyrir þá sem vilja móta framtíðarheimili með góðu næði, víðsýni og rúmgóðu landi í kringum sig.
Lóðin er skráð sem íbúðarhúsalóð í fasteignaskrá en er á landbúnaðarsvæði samkvæmt aðalskipulagi.
Eignin gæti meðal annars höfðað til hestafólks, áhugafólks um skógrækt og þeirra sem sækjast eftir sveitalífi í fallegu umhverfi Kjósarinnar.
Fyrirhuguð nýting og mannvirkjagerð þurfa að samræmast skipulagi og þeim leyfum sem við eiga.

Nánari upplýsingar veitir Elka Guðmundsdóttir, löggiltur fasteignasali, í síma 863-8813 eða á netfanginu elka@fstorg.is.


Uppbygging íbúðarhúss og tengdra bygginga er háð viðeigandi skipulagsmeðferð og samþykki sveitarfélagsins. Væntanlegum kaupendum er bent á að kynna sér byggingarmöguleika og skilmála hjá skipulags- og byggingarfulltrúa Kjósarhrepps með hliðsjón af fyrirhugaðri nýtingu.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Væntanlegum kaupendum er bent á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun. Almennt getur kaupandi ekki borið fyrir sig að ástand eignar sé annað en það sem hann hefði mátt sjá við slíka skoðun.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.