Óseyri 18 – Lýsing

Á 1. hæð í suðurhluta hússins er gott 54 m² iðnaðarbil með iðnaðarhurð og möguleika á að bæta við millilofti. Í vestari hluta 1.hæðar er rúmgott 124 m² verkstæðisbil með iðnaðarhurð og gönguhurð, sér salerni og kaffistofu. Í austurhluta 1. hæðar er 63 m² iðnaðarbil með iðnaðarhurð með innbyggðri gönguhurð. Í norðausturhluta 1. hæðar er góð 42 m² geymsla með tvöfaldri gönguhurð.

Á 2. hæð eru kaffistofa, snyrting, skrifstofa og geymslurými, auk vinnustofu með sérinngangi. Í miðrými 2. hæðar er jafnframt stórt milliloft með stórri hurð. Sá hluti er lítið einangraður og ekki upphitaður, en býður upp á mikla möguleika. Samanlögð stærð 2. hæðar er 248 m².

Á 3. hæð er óupphitað geymsluloft. Heildarstærð þess er 173 m², með möguleika á stækkun í allt að 248 m².

Lóðin er að hluta malbikuð og að hluta malarlögð. Heildarstærð lóðar er 1.658,6 m².