Domusnova fasteignasala kynnir:
Skemmtilegar og vel hannaðar íbúðir á frábærum stað við miðbæ Selfossbæjar.

Þeir sem vilja fá aukinn tíma með sölumönnum þurfa ekki að mæta á opin hús, heldur geta þeir pantað einkaskoðun í S: 662-4422 eða sverrir@domusnova.is

ATH Domusnova er með til sölumeðferðar allar íbúðirnar í húsunum Tryggvagata 10 og Tryggvagata 12. Hafið samband við sölumenn fyrir frekari upplýsingar. Einnig er hægt að skoða allar íbúðir á heimasíðunni www.tryggvagata10.is 

Tryggvagata 10 er 51 íbúða fjölbýlishús uppá fjórar hæðir ásamt kjallara. Húsið er staðsteypt einangrað og klætt að utan með swisspearl steinklæðningu, á svalagöngum og sumstaðar við svalir er standandi bambusklæðning. Þök eru hallandi, risþök úr léttu burðarvirki klædd með soðnum tjörupappa.
Allir gluggar og hurðir í húsinu eru úr timburálkerfi frá Idealcombi.
Samþykktir aðaluppdrættir hönnuða eru gildandi ef upp kemur misræmi á milli þeirra og annarra gagna.
Allt auglýsinga og kynningarefni t.d. þrívíddar myndir/teikningar er eingöngu til hliðsjónar. Laus búnaður o.þ.h. sem sýndur er á teikningum en ekki talinn upp í skilalýsingu fylgir ekki. 

Frágangur íbúða innanhúss.
Íbúðir verða afhentar með gólfefni á baðherbergi. Þar verða ljósar flísar. Önnur gólf eru án gólfefna.
Innveggir íbúða eru hlaðnir léttsteypuveggir og eru þeir ásamt öðrum veggjum íbúða sandparslaðir og málaðir. Veggir á baðherbergjum eru flísalagðir með ljósum flísum / sandsparslaðir og málaðir með svansvottaðri votrýmismálningu.
Steypt loft eru slípuð,sandspörsluð og máluð, en loft efstu hæðar eru klædd með hvítum hljóðísogsdúk. Loft á baðherbergjum eru máluð með svansvottaðri votrýmismálningu, en loft efstu hæðar eru klædd með hvítum hljóðísogsdúk.
Allir gluggar og hurðir í húsinu eru úr timburálkerfi frá Idealcombi. Húsið hefur farið í gegnum hljóðhönnun og er allt gler framleitt miðað við viðkomandi kröfur og ráðstafanir vegna hljóðvistamála en gler getur verið með mismunandi hljóðkröfur eftir staðsetningu m.t.t. umferðar ofl. Almennt er tvöfalt hefðbundið K-gler í gluggum.
Hurðir innan íbúða eru hefðbundnar yfirfelldar hurðir í hvítum lit með svörtum hurðarhúnum.
Fataskápar eru sérsmíðaðir í fullri lofthæð og er gengið frá lokun upp við loft og aðliggjandi veggi. Skáparnir eru að innan og utan úr vönduðu slitsterku melamin efni. Lamir og skúffubrautir eru með mjúklokun. Ljós er inni í skápum. Fataskápar eru frá Selós.
Eldhúsinnréttingar eru sérsmíðaðar úr vönduðu slitsterku melamin efni að utan og innan. Borðplötur eru Dekton steinborðplötur. Skúffubrautir eru með mjúklokun. Höldur eru úr stáli. Lýsing er undir efri skápum. Sorpflokkun er undir vaski svo og hnífaparabakki í skúffu. Vönduð heimilistæki sem flest eru frá AEG eru í íbúðunum. Kæli-/frystiskápur og uppþvottavél eru innbyggð í innréttinguna, sjá tækjalista. Eldhúsvaskur frá Contura og blöndunartæki eru frá Grohe. Eldhúsinnréttingar eru frá Selós. Spanhelluborð með gufugleypi er fellt í borðplötu í eldhúseyjum en þar sem spanhelluborð er ekki í eyju er hefðbundin vifta undir efri skáp. Sjá nánar í tækjalista.
Baðinnrétting, ásamt innréttingu undir þvottavél/þurrkara eru sérsmíðaðar úr vönduðu slitsterku melamin efni að utan og innan. Skúffubrautir eru með mjúklokun. Silestone steinborðplötur eru á böðum en plastlagðar borðplötur fyrir þvottavél/þurrkara. Speglaskápar á böðum eru með innfelldri Led lýsingu í speglum. Bað og þvottahúsinnréttingar eru frá Selós. Öll hreinlætistæki eru af vandaðri gerð frá Grohe. Sturtutæki eru með 250 mm haus handlaugartæki frá Grohe og undirlímd hvít handlaug.
Sér geymsla fylgir hverri íbúð og er staðsett í kjallara hússins. Gólf, veggir og loft eru máluð. 
Í öllum íbúðum er hefðbundið ofnakerfi með hitastýrðum lokum, baðherbergi er með gólfhita.
Jafnvægisstillt loftræsikerfi með varmaendurvinnslu er í hverri íbúð. Hefðbundið útsogskerfi er í geymslum.
Rafmagn er fullfrágengið samkvæmt teikningum. Öll lýsing er hönnuð af Lumex, raflagna og lýsingahönnuðum. Eftirfarandi ljós fylgja: öll ljós í sameignum, geymslum og útiljós. Innan íbúða eru led loftljós í baðherbergjum. Einnig fylgja öll innfeld led ljós í eldhúsi. Litur tengla og rofa er hvítur og eru þeir af gerðinni Jung. Íbúðir eru búnar mynddyrasíma af vandaðri gerð.

Frágangur utanhúss 
Húsið er einangrað að utan og klætt með Svisspearl steinklæðningu, á svalagöngum og sumstaðar við svalir er standandi bambusklæðning.  Þök eru hallandi, loftræst risþök úr léttu timburvirki, Klædd með soðnum tjörupappa. Svalir eru staðsteyptar og svalahandrið eru úr stáli heitgalvanhúðuð og polýhúðuð. Á jarðhæð eru sérafnotafletir klæddir timbri. Idealcombi Frame IC timburálgluggakerfi er í öllu húsinu nema stór gluggi í stigagang vestanmegin er úr álkerfi frá Reynaers. Lóð er frágengin með hellum, grasi, gróðurbeðum og lýsingu í samræmi við teikningar landslagshönnuðar. Allar helstu gönguleiðir eru með snjóbræðslu.

Frágangur sameignar
Stigagangur frá kjallara uppá fjórðu hæð er staðsteyptur og eru handrið úr stáli heitgalvanhúðuð og polýhúðuð. Gólf á jarðhæð eru með ljósum flísum og teppi á tröppum og stigpöllum á efri hæðum. Gólf í geymslum og geymslu göngum í kjallara eru máluð.  Aðgangshurðir að kjallararýmum eru úr álkerfi frá Reynaers, hvítar að lit. Hurðir að geymslum eru sprautulakkaðar í hvítum lit.  Hjóla og vagnageymsla er í kjallara hússins.  Eitt bílastæði í bílahúsi fylgir hverri íbúð, einnig eru sameiginleg bílastæði ofanjarðar. Djúpgámar fyrir sorp og endurvinnslu eru við götu.

Framkvæmdaraðili og hönnuðir
Byggingaraðili: JÁVERK ehf – www.javerk.is
Aðalverktaki: JÁVERK ehf – www.javerk.is
Arkitekt: T.ark arkitektar ehf – www.tark.is
Burðarþolshönnun: Verkfræðistofa Reykjavíkur – www.vsr.is
Lagnahönnun: Verkfræðistofa Reykjavíkur – www.vsr.is
Raflagnahönnun: Lumex ehf – www.lumex.is
Lóðahönnun: Landform ehf – www.landform.is.

Samþykktir aðaluppdrættir hönnuða eru gildandi ef upp kemur misræmi á milli þeirra og annarra gagna. Allt auglýsinga og kynningarefni t.d. þrívíddar myndir/teikningar er eingöngu til hliðsjónar. Laus búnaður o.þ.h. sem sýndur er á teikningum/myndum en ekki talinn upp í skilalýsingu fylgir ekki.
Myndir í auglýsingu þessari eru af íbúðum nr. 312 og 404 í husinu Tryggvagötu 10 og eru einungis til viðmiðunar.

Nánari upplýsingar veita:
Sverrir Sigurjónsson löggiltur fasteignasali / s.662 4422 / sverrir@domusnova.is
Sölvi Þór Sævarsson löggiltur fasteignasali / s.618-0064 / solvi@domusnova.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:

  Nýtt - Eignin er nýbygging.
  Upprunalegt - Seljandi veit ekki til þess að byggingarhluti hafi verið endurnýjaður.
  Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
  Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
  Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.