Fasteignasalan Hvammur - 466 1600

Parhúsaíbúð með bílskúr og aukíbúð við Fannagil 6 á Akureyri - samtals 187,5 m² að stærð.
Íbúð á inngönguhæð skiptist í forstofu, þrjú herbergi, stofu og eldhús í einu opnu rými og þvottahús - samtals er íbúðin 99,2 m² auk bílskúrs sem er 33,4 m² að stærð.
Á neðri hæð er búið að útbúa aukaíbúð úr geymslum sem skiptist í forstofu, stofu og eldhús í einu rými, baðherbergi og eitt svefnherbergi.  Sérinngangur í hana er á austurhlið hússins og er hún skráð 54,9 m² að stærð.

Aðalíbúð
Forstofa er með flísum á gólfi og spónlögðum eikarskáp.
Eldhús og stofa eru í einu opnu alrými sem er með flísum á gólfi og stórum gólfsíðum gluggum til austurs með miklu útsýni.  Í eldhúsinu er spónlögð eikarinnrétting með stórri eyju, mósaíkflísum á milli skápa og stæði fyrir tvöfaldan ísskáp.
Baðherbergi er með flísum á gólfi, spónlagðri eikarinnréttingu og stórri lokaðri sturtu.
Herbergin eru þrjú og eru þau öll með flisum og spónlögðum eikarskápum.
Þvottahús er á milli forstofu og bílskúrs og þar eru flísar á gólfi og ljós innrétting með vaska og stæði fyrir þvottavél og þurrkara í vinnuhæð.
Bílskúrinn er flísalagður, bæði gólf og veggir, og þar innkeyrsluhurð með rafdrifnum opnara.  Framan við bílskúrinn er steypt bílaplan.
Geymsla er innaf bílskúr og þar er gott skápapláss.

Aukaíbúð
Góð útleigueining sem hefur verið útbúin úr geymsluplássi neðri hæðar.  Íbúðin skiptist í forstofu, stofu og eldhús í einu alrými, baðherbergi og eitt svefnherbergi.  Farið er að íbúðinni sunnan við húsið um steyptar tröppur.
Íbúðin er öll flísalögð og í eldhúsi og baðherbergi eru spónlagðar innréttingar og á baðherbergi er sturtuklefi.

Lóðin er með grasflöt austan við húsið, steyptu bílaplani vestan við húsið (fyrir framan) og steyptri stétt heim að aðalinngangi.  Suður hluti lóðarinnar er með perlumöl.

Annað
- Aðalíbúðin er tóm og laus til afhendingar strax.
- Aukaíbúðin er í útleigu út ágúst.
- Aðalíbúðin er nýlega máluð.
- Útgangar eru til suðurs úr stofu og einu herbergi.
- Gólfhiti er í öllu húsinu.
- Gott útsýni

Seljandi eignaðist fasteignina í skuldaskilum og hefur aldrei haft afnot af eigninni. Seljandi þekkir því ekki eignina umfram það sem fram kemur í opinberum gögnum og hægt er að sjá við sjónskoðun. Því leggur seljandi ríka áherslu á það við væntanlega kaupendur að þeir gæti sérstakrar árvekni við skoðun og úttekt á eigninni og veitir seljandi eða fasteignasali kaupanda allan nauðsynlegan aðgang að til þess.  

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.