Framkvæmdasýslan - Ríkiseignir (FSRE) kynnir til sölu Kýrholt 2 – Sumarhúsalóð í Galtarholti, 311, Borgarbyggð.

• Lóðarstærð: 5.919 m²
• Landnúmer: L201417
• Frístundarsvæði sem nær yfir 276,5 ha

Falleg og vel staðsett sumarhúsalóð í frístundabyggðinni Galtarholti, aðeins rúmlega klukkustund frá Reykjavík. Lóðin er í kyrrlátu og grónu umhverfi í holtadragi milli Grafarflóa og Múrhlíðar, með góðu aðgengi eftir Kýrholti. Svæðið er skipulagt fyrir frístundabyggð og býður upp á fjölbreytt útivistartækifæri og nálægð við náttúrufegurð Vesturlands.
Lóðin er óbyggð og hentar vel þeim sem vilja reisa sitt eigið sumarhús samkvæmt gildandi skipulagi Galtarholts, sjá deiliskipulag á skipulagsstofnun.is.

Markmið deiliskipulags er:

• að mynda frístundabyggð sem fellur vel að umhverfinu með aðgengi að fjölbreyttri útivist
• að mannvirki, lóðamörk, vegir, bílastæði, göngustígar og reiðleiðir séu ein lítið áberandi og frekast er kostur
• að röskun á landi verði í lágmarki
• að tryggja gott aðgengi gangandi fólks um skipulagssvæðið
• að auka ferðaþjónustu og útivistarmöguleika á svæðinu

Helstu kostir:

• Skipulagt frístundasvæði í fallegu hraun-, kjarr, og holtalandslagi
• Gólfvöllur og ýmis þjónusta samkvæmt samþykktu deiliskipulagi
• Miklir möguleikar varðandi veiðileyfi og hestamennsku
• Góð aðkoma og greiðfærir vegir
• Nálægt Borgarnesi og fjölbreyttri þjónustu og afþreyingu

Landið er leigulóð og selst í því ástandi sem það er við skoðun og afhendist við kaupsamning. Nánari upplýsingar er hægt að nálgast hjá FSRE eða með því að senda tölvupóst á eignasala@fsre.is eða gera tilboð hér Fasteignasala og leiga | FSRE

Seljandi þekkir ekki eignina umfram það sem fram kemur í opinberum gögnum. Því leggur seljandi ríka áherslu á að sérstakrar árvekni sé gætt við skoðun og úttekt á eigninni og veitir FSRE allan nauðsynlegan aðgang til þess