.png)
2185
1535 Skoðendur
Skráð 19. feb. 2026
Skipasund 18
96.000.000 kr.
F2018095
89.600.000 kr.
65.450.000 kr.
0 kr.
Arion
banki – Reikna lán
Opið hús: Skipasund 18, 104 Reykjavík. Eignin verður sýnd þriðjudaginn 24. febrúar 2026 milli kl. 16:30 og kl. 17:00.
Lýsing
Fasteignasala Mosfellsbæjar kynnir: Vel skipulögð 128,0 m2 sérhæð og ris ásamt fallegri auka íbúð í bílskúr við Skipasund 18, 104 Reykjavík. Eignin er skráð 128,0 m2 en þar af er íbúð 96,8 m2 og bílskúr 31,2m2. Að auki er talsvert af óskráðum fermetrum. Eignin skiptist í aðal íbúð: Forstofu, eldhús, baðherbergi, stofa, borðstofa, hjónaherbergi og rishæð með 2 svefnherbergjum (hægt að breyta í 3 svefnherbergi). Búið er að breyta bílskúr í íbúð sem skiptist í: Stofu, eldhús, baðherbergi og 2 svefnherbergi. Um er að ræða eign á vinsælum stað þar sem stutt er í leikskóla, skóla, verslun og helstu þjónustu.
Eignin hefur fengið talsvert viðhald skv. upplýsingum frá seljanda: Á árunum 2022-2023 var útbúin íbúð í bílskúr, tröppur lagaðar og veggur múraður. Fyrri eigandi hafði árið 2020 skipt um ofnalagnir. Árið 2019 var húsið drenað. Frárennslislagnir fóðraðar í húsi og endurnýjaðar út í götu. Vatnslagnir endurnýjaðar út í götu. Slökkvarar endurnýjaðir. Rafmagnstafla endurnýjuð. Skipt um tvo ofna í stofu/borðstofu. Árið 2015 endurnýjað þak á bílskúr, endurnýjaður gluggi í risherbergi og gólfplata í bílskúr endursteypt.
Smelltu hér til að fá söluyfirlit sent strax.
Nánari lýsing:
Aðal íbúð:
Gengið er upp útitröppur og inn í óskráð foranddyri sem hefur verið yfirbyggt, þar hefur verið komið fyrir tengi fyrir þvottavél og þurrara.
Forstofa er með flísum á gólfi. Úr forstofu er stigi upp á rishæð.
Eldhús er með flísum á gólfi og innréttingu með stein á borði. Í innréttingu er eldavél með helluborði og viftu. Gert er ráð fyrir uppþvottavél og ísskáp í innréttingu.
Baðherbergi er með salerni, baðinnréttingu og sturtu. Flísar á gólfi.
Hjónaherbergi er rúmgott, með fataskápum og parket á gólfi.
Stofa og borðstofa er í opnu rými með parketi á gólfi.
Geymsla er innan íbúðar undir stiganum.
Rishæð er í dag svefnherbergi nr. 2-3 og hol en var áður með þremur herbergjum, ásamt geymslum í þakrými. Auðvelt að breyta til baka. Lakkaðar gólffjalir eru á gólfi.
Auka íbúð (bílskúr):
Komið er inn í opið alrými með parketi á gólfi.
Eldhús er með fallegri innréttingu. Í innréttingu er ofn og helluborð. Gert er ráð fyrir ísskáp í innréttingu.
Baðherbergi er með flísum á gólfi, 'walk in' sturtu, innréttingu, salerni og handklæðaofni. Tengi er fyrir þvottavél og þurrkara.
Svefnherbergi 1-2 eru með parketi á gólfi.
Lóð: Stór sameiginlegur garður og hellulagt bílaplan. Búið er að gera ráð fyrir hleðslustöð fyrir utan bílskúr. Barki er klár í rafmagnstöflu og vantar bara að draga í til að tengja. Vatnslögn er úr bílskúr og út í garð fyrir heitum potti. Sér ljósleiðari í bílskúr.
Annað: Árið 2015 voru samþykktar teikningar fyrir viðbyggingu við húsið til suðurs. Ekki var ráðist í stækkunina og er því gildistími byggingaráforma útrunninn. Til upplýsingar: Gert var ráð fyrir stækkun fyrstu hæðar og kjallara, hvort um sig um 15,5 m2, alls 31,0 m2. Þá var gert ráð fyrir gerð 15,9 m2 svölum út frá þakhæð.
Verð kr. 96.000.000,-
Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala Mosfellsbæjar skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.
Gjöld sem kaupandi þarf að greiða vegna kaupa:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
3. Lántökugjald lánastofnunar - er skv. gjaldskrá viðkomandi lánastofnunar.
4. Umsýslugjald til fasteignasölu skv. kauptilboði.
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á af viðkomandi sveitarfélagi.
Allar myndir
