REMAX kynnir: Björt og vel staðsett fjögurra herbergja íbúð á tveimur hæðum í þríbýli í gamla Vesturbænum. Eignin nýtur góðrar staðsetningar, er með sérinngangi og sérútgangi úr hjónasvítu út í fallegan, sólríkan og aflokaðan suðurgarð.

Allar nánari upplýsingar veitir Þorsteinn Gíslason löggiltur fasteignasali í síma 694-4700 eða steini@remax.is.


Nánari lýsing

Komið er inn í rúmgott anddyri með fatahengi og gestasalerni til hægri. Rúmgott eldhús er með fallegri eldri innréttingu, nýlegum eldunartækjum og tengi fyrir uppþvottavél.
Stofan er björt og notaleg, með stórum gluggum sem snúa til suðurs og hleypa mikilli birtu inn í rýmið.
Á efri hæð eru tvö góð barnaherbergi. Þar njóta upprunalegir listar sín vel á hurðakörmum, gólfi og lofti og setja fallegan svip á hæðina. Gengið er niður hringstiga á neðri hæð.
Á neðri hæð er rúmgóð hjónasvíta með fataherbergi og góðu baðherbergi. Baðherbergið er með baðkari, fallegri innréttingu og tengi fyrir bæði þvottavél og þurrkara. Úr hjónasvítunni er beint útgengi í sólríkan og aflokaðan suðurgarð sem býður upp á skemmtilega möguleika til útiveru.
Með íbúðinni fylgir lítil sérgeymsla auk sameiginlegrar hjólageymslu og geymslulofts.

Góð staðsetning í gamla Vesturbænum, þar sem stutt er í fjölbreytta þjónustu, verslanir, útivist og skóla. Þrír leikskólar eru í göngufæri frá eigninni, sem er sérstaklega hentugt fyrir fjölskyldur með ung börn.
Gólfefni
Á efri hæð er gegnheilt viðarparket á flestum gólfum, en flísar eru á eldhúsi og baðherbergi. Á neðri hæð er dúkur á
svefnherbergi og flísar á baðherbergi.

Húsið var málað árið 2015 ásamt smávægilegum sprunguviðgerðum. Frárennslislagnir voru endurnýjaðar að hluta undir húsinu og út í götu árið 2019. Lokið er við að skipta um járn og pappa á þaki hússins og laga kvisti.

Allar nánari upplýsingar veitir Þorsteinn Gíslason löggiltur fasteignasali í síma 694-4700 eða steini@remax.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Almennt um fylgifé íbúðarhúsnæðis:
Til fylgifjár íbúðarhúsnæðis teljast varanlegar innréttingar og búnaður sem annaðhvort er skeytt varanlega við fasteignina eða er sérstaklega sniðinn að henni. Þetta á meðal annars við um fastan búnað og lagnir til hitunnar og vatnsmiðlunar, rafmagnsvirki og leiðslur, loftnet og annan móttökubúnað í eigu seljanda, sem fest eru á fasteign, föst gólfteppi og önnur gólfefni sérstaklega tilsniðin, gluggabúnað, bað- og eldhúsinnréttingar og tæki og vélar sem eru sérstaklega felld inn í innréttingarnar og verða hluti af þeim og aðra innbyggða hluta.

Um ástand einstakra eignarhluta:
Efst í söluyfirlitli þessu er að finna dálka um ástand einstakra hluta eignarinnar. Eftirfarandi lykil er til skýringar á þeirri skráningu:
  Nýtt - Eignin er nýbygging.
  Upprunalegt - Seljandi veit ekki til þess að byggingarhluti hafi verið endurnýjaður.
  Endurnýjað - Byggingarhlutinn hefur verið endurnýjaður í heild sinni á einhverjum tímapunkti.
  Endurnýjað að hluta - Hluti byggingarhlutans hefur verið endurnýjaður á einhverjum tímapunkti.
  Ekki vitað - Seljandi þekkir ekki til ástands og ekki er hægt að leggja mat á það með sjónskoðun.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.