Borg fasteignasala ehf. (Einar Pálsson lgf. einar@fastborg.is; 857-8392) kynna vel skipulagða þriggja herbergja íbúð á annarri hæð (íbúð 207) í góðu fjölbýli með lyftu að Davíðshaga 10, 600 Akureyri ásamt sérgeymslu á jarðhæð hússins og sameiginlegri vagna/hjólageymslu. Rúmgóð geymsla með glugga er innan íbúðar með föstum fataskáp sem hægt er að nýta sem þriðja svefnherbergið. Svalir til suðurs og bílastæði norðan við hús.

Húsið er byggt árið 2018 af Trétak ehf. Gengið er inn í íbúðina af lokuðum svalargangi. Hiti er í gólfum allrar íbúðar sem eru með parketi nema forstofa sem er með flísum á gófli og baðherbergi. Sameiginleg vagna- og hjólageymsla er í kjallara hússins ásamt sérgeymslu (0118) alls 1,9 m2 að stærð. Svalir eru 7,3 m2. 
Íbúðin er 77,9 m2, samkvæmt skráningu Þjóðskrá Íslands.

Lýsing eignar:
Forstofa er með flísum á gólfi og er fataskápur á gangi við forstofu.
Tvö svefnherbergi (annað skráð sem geymsla) eru við forstofu, með parketi á gólfi og föstum fataskápum.
Eldhús er opið við stofu, með parketi á gólfi. Eldhúsinnrétting er með efri- og neðri skápum og flísum á milli skápa. Útgengt er á svalir til suður úr stofu. 
Hjónaherbergi er með parket á gólfi og föstum fataskápum.
Baðherbergi er með flísum á gólfi og veggjum inn í sturtu, upphengdu klósetti, innréttingu með neðri skápum og aðstöðu fyrir þvottavél og þurrkara. 
Sérgeymsla er í kjallara hússins ásamt sameiginlegri vagna- og hjólageymslu.

Húsið er 3 hæða steinsteypt fjölbýlishús. Í húsinu eru 22 íbúðir með lyftu. Húsið er einangrað að utan og eru útveggir klæddir með litaðri stálklæðningu. Sérgeymsla og sameign er staðsett á jarðhæð hússins. Steinsteypt sorpgerði er norðan við húsið.

Allar nánari upplýsingar veitir Einar Pálsson, löggiltur fasteignasali í síma 857-8392 eða á netfanginu einar@fastborg.is

-Eignin er í einkasölu
-Ljósleiðari tengdur inn í íbúð

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Borg fasteignasala því benda væntanlegum kaupendum á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnun.ar - almennt 0,5 - 1,0% af höfuðstól skuldabréfs. Nánari upplýsingar á t.d. heimasíðu lánastofnana.
4. Umsýslugjald til fasteignasölu skv. kauptilboði.