.png)
287
188 Skoðendur
Skráð 28. sep. 2025
Vesturhús 13
189.000.000 kr.
F2041284
179.350.000 kr.
158.850.000 kr.
0 kr.
Arion
banki – Reikna lán
Lýsing
Fasteignasala Mosfellsbæjar kynnir: Fallegt og vel staðsett 313,6 m2 einbýlishús á þremur pöllum með innbyggðum bílskúr og aukaíbúð við Vesturhús 13 í suðurhlíð húsahverfisins í Grafarvogi með stórfenglegu útsýni yfir borgina. Stórt hellulagt bílastæði með snjóbræðslu. Hleðslustöð fyrir rafmagnsbíla. Stórar svalir með heitum potti og glæsilegu útsýni. Garðurinn er skjólgóður, gróinn og vel hirtur. Á lóðinni er sérsmíðað gróðurhús, gróðurkassar og tveir geymsluskúrar, sá stærri er einangraður með rafmagnsofni. Eignin er staðsett innst í botnlanga, við göngustíg sem liggur niður að Grafarvoginum. Stutt í leikskóla, grunnskóla, verslanir og þjónustu.
Eignin er skráð 313,6 m2, þar af aðalíbúðin 204,6 m2, bílskúrinn 49,1 m2 og aukaíbúðin 59,9 m2. Eignin var áður á tveimur fasteignanúmerum en er í dag á einu. Mögulegt væri að opna á milli eignanna og nýta sem eina fasteign.
Eignin skiptist í fjögur svefnherbergi (upphaflega fimm), baðherbergi, þvottahús, geymslu (væri hægt að breyta í salerni), forstofu, gang, bílskúr, eldhús með borðkrók, sjónvarps- og arinstofu, stofu og borðstofu. Aukaíbúðin skiptist í svefnherbergi, fataherbergi/geymslu, forstofu, baðherbergi, eldhús og stofu.
Endurbætur og viðhald á húsinu samkvæmt upplýsingum seljenda: Árið 2024: Þak yfirfarið og málað. Árið 2024-2025: Skipt var um gler í öllum gluggum á suður- og austurhlið hússins. Árið 2024 var baðherbergið endurnýjað og parket á efri hæð hússins pússað upp og olíuborðið. Árið 2023: Húsið var málað að utan og í aukaíbúð var sett nýtt parket og eldhúsinnrétting endurnýjuð.
Smelltu hér til að fá söluyfirlit sent
Nánari lýsing:
Neðri hæð:
Forstofa er rúmgóð með fataskáp og flísum á gólfi.
Gangur er með flísum á gólfi.
Geymsla er undir stiga. Hægt að breyta í gestasnyrtingu þar sem lagnir eru til staðar.
Þvottahús er rúmgott með flísum á gólfi, innréttingu, vinnuborði og vaski. Útgengt er í garð að vestanverðu.
Svefnherbergi nr.1 er með parketi á gólfi
Svefnherbergi nr. 2 er með parketi á gólfi.
Bílskúrinn er rúmgóður, skráður 49,1 m2, með tveimur innkeyrsluhurðum og inngönguhurð. Innangengt er inn í bílskúrinn af gangi. Bílskúrinn er með hillum, hleðslustöð fyrir rafmagnsbíla, köldu og heitu vatni. Gólf er nýmálað.
Millipallur:
Stór og björt sjónvarps- og arinstofa, lögð með parketi og flísum.
Efri hæð:
Stór stofa og borðstofa með parketi og flísum á gólfum, þaðan er útgengt á stóra verönd með skjólveggjum og heitum potti. Stórir gluggar góð lofthæð og stórfenglegt útsýni.
Eldhús er bjart og rúmgott með hvítri innréttingu, borðkrók og flísum á gólfi. Í innréttingu er ofn, helluborð og háfur. (Amerískur ísskápur). Gert er ráð fyrir uppþvottavél í innréttingu.
Baðherbergi var gert upp 2024, nýjar veggflísar, upphengt klósett og walk-in sturta, ásamt vaskaborði með marmara og lausum skáp. Loftgluggi sem auðvelt er að opna og birtir upp herbergið. Mögulegt að stækka baðherbergi með opnun inn í fataherbergi inn af svefnherbergi.
Svefnherbergi nr. 3 (hjónaherbergi) er mjög rúmgott með parketi á gólfi og fataskáp. Þaðan er innangengt í lítið fataherbergi.
Svefnherbergi nr. 4 er mjög rúmgott með parketi á gólfi. Var áður tvö herbergi sem opnað var á milli til stækkunar.
Parket á efri hæð var pússað upp og olíuborið 2024.
Aukaíbúð á jarðhæð:
Forstofa er með flísum og fatahengi.
Svefnherbergi nr. 5 er með parketi á gólfi.
Fataherbergi / geymsla er inn af svefnherbergi.
Baðherbergi er flísalagt í hólf og gólf. Innrétting og sturtuklefi. Tengi fyrir þvottavél er inni á baðherbergi.
Eldhús og stofa eru í björtu og vel skipulögðu rými með parketi á gólfum og hvítri Ikea eldhúsinnréttingu.
Nýjar hurðar á svefnherbergi og stofu.
Fyrirhugað fasteignamat fyrir árið 2026 er kr. 191.500.000,-
Verð kr. 189.000.000,-
Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala Mosfellsbæjar skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.
Gjöld sem kaupandi þarf að greiða vegna kaupa:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar - er skv. gjaldskrá viðkomandi lánastofnunar.
4. Umsýslugjald til fasteignasölu skv. kauptilboði.
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á af viðkomandi sveitarfélagi.
Allar myndir
