771
648 Skoðendur
Skráð 12. des. 2025
Mímisvegur 2
79.900.000 kr.
F2009029
69.450.000 kr.
42.800.000 kr.
0 kr.
Arion
banki – Reikna lán
Lýsing
Trausti fasteignasala og Hallgrímur Hólmsteinsson löggiltur fasteignasali kynna í einkasölu Mímisveg 2, gullfallega þriggja herbergja íbúð á þriðju hæð með einstöku útsýni.
Íbúðin skiptist í forstofu, gang, rúmgóða stofu, tvö herbergi, eldhús og baðherbergi. Frábær staðsetning á vinsælum og rólegum stað í miðborginni, rétt við Landspítalann, örstutt frá Hljómskálagarðinum og miðbænum. Allar nánari upplýsingar veitir Hallgrímur Hólmsteinsson lgfs í síma 896-6020 eða á tölvupóstfanginu hallgrimur@trausti.is.
Íbúðin er 89,8 fm samkvæmt skráningu hjá HMS og er geymslan 4,3 þar af.
Nánari lýsing eignar:
Komið er inn á anddyri og gang með fatahengi.
Á hægri hönd er rúmgóð og björt stofa. Útsýnið úr stofunni er stórfenglegt til suðurs og vesturs. Útgengt er úr stofunni út á uppgerðar svalir.
Innar á ganginum er rúmgott svefnherbergi.
Lítið herbergi eða geymsla er við hlið herbergisins. Þetta hefur verið notað sem fataherbergi.
Eldhúsið er með snyrtilegri hvítri innréttingu og er rúmgott og bjart og er opið út í stofuna.
Baðherbergið er með flísalagt gólf og sturtuklefa.
Geymsla íbúðarinnar er í kjallara í sameign, alls 4,3 fm. Geymslan var öll uppgerð árið 2021 og talsverður kostnaður fór í viðgerðina.
Sameiginleg lóð, vel gróinn og snyrtilegur garður er við húsið.
Helstu framkvæmdir í húsinu:
Umfangsmiklar steypu- og múrviðgerðir fóru fram árið 2014, m.a. voru svalir endursteyptar.
Svalahandrið endurnýjuð árið 2016 og ný járnhandrið sett á íbúðir 2. og 3. hæðar hússins
Skipt um rennur í maí 2019.
Sjálfvirkum ljósaskynjurum komið upp á stigagangi árið 2020.
Skipt um kjallarahurð að sumarið 2020.
Stigagangur og kjallari málaðir í desember 2020.
Grindverk hússins málað sumarið 2021.
Múrviðgerðir á útidyratröppum fóru fram haustið 2022
Múrviðgerðir á svölum hússins og viðgerðir á svaladyrum nokkurra eigenda fóru fram sumarið 2023.
Gluggar málaðir og tréverk glugga að utanverðu lagfært sumarið 2025.
Hér er frábær eign á ferðinni í grónu og vinsælu hverfi þar sem stutt er í alla þjónustu, skóla og leikskóla. Útsýni úr íbúðinni er stórfenglegt og íbúðin og húsið hafa fengið gott viðhald í gegnum tíðina og er viðhaldssaga frá seljanda til staðar. Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða með tölvupósti á hallgrimur@trausti.is.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.
Skoðunarskylda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Trausti fasteignasala því benda væntanlegum kaupendum á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.
Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 3.800 af hverju skjali.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á t.d. heimasíðu lánastofnana.
4. Umsýslugjald til fasteignasölu skv. kauptilboði.
Allar myndir
