Miklaborg kynnir: Fallegt og vel staðsett sumarhús við Geysi í Haukadal. Húsið stendur á 6.500 fm eignarlóð sem liggur að golfvellinum (Haukadalsvöllur). Um er að ræða tæplega 70 fm timburhús sem er reist á steyptri plötu með hitalögn. Húsið er klætt með viðhaldslítilli klæðningu og stölluðu járni á þaki.

Nánari lýsing :

Eignin skiptist í forstofu, inntaksrými/geymsla, baðherbergi, tvö svefnherbergi, alrými með eldhúsi og stofu/borðstoðu. Stigi frá alrými upp á rúmgott milliloft þaðan sem gengið er út á timbursvalir.

Forstofa rúmgóð með fatahengi.
Inntaksrými sem er einnig nýtt sem geymsla.
Hol með snyrtilegri skápainnréttingu. Frá holi er gengið inn í svefnherbergin, baðherbergi og alrými.
Baðherbergi með sturtuklefa. Þaðan er gengið út á timburverönd við heita pottinn.
Svefnergergin eru tvö, bæði rúmgóð og með góðum glugga. Hægt væri að hafa fataskáp.
Alrými opið með eldhúsi, borðstofu og stofu. Rýmið er bjart með mikilli lofthæð og góðum gluggum til suðvesturs.
Eldhús með efri og neðri skápum, uppþvottavél, ofn og keramik helluborð. Milli eldhús og borðstofu er gengið út á stóra timburverönd til suðurs og vesturs. Þar er heitur pottur(rafmagns) og kamina. Útsýni yfir golfvöllinn. Gott rými fyrir borðstofu og stofu í alrýminu.
Frá alrýminu er gengið upp stiga á rúmgott milliloft sem hægt væri að nýta á marga vegu. Þaðan er gengið út á timbursvalir sem snúa í norðaustur.

Á allri eigninni er náttúrusteinn á gólfi.
Gólfhiti er í eigninni.

Þetta er björt og falleg eign við golfvöllinn í Haukadal í þægilegri fjarlægð frá borginni. Örstutt er í þá þjónustu sem er við Geysi.