Domusnova fasteignasala og Sverrir Sigurjónsson, lögmaður og löggiltur fasteignasali kynna:
Í einkasölu :
Um er að ræða 16.743 fm eignarlóð í Tjarnabyggð í Sveitarfélaginu Árborg.  Skv. skipulagi má byggja allt að 1.500 fm. á lóðinni samtals og er þá inni í þeirri tölu íbúðarhús og útihús.  Samningur er við Sveitarfélagið Árborg um rekstur og þjónustu svæðisins. Samkvæmt honum sér Árborg um viðhald vega, snjómokstur, skólaakstur, sorphirðu og tæmingu rotþróa. Heitt og kalt vatn rafmagn og fjarskiptatengingar eru á lóðarmörkum. Ljósleiðari er í Tjarnabyggð.
Tjarnabyggð er frábær kostur fyrir fólk sem vill búa í sveit en fá alla þá þjónustu sem þéttbýlið hefur upp á að bjóða. 

Tjarnabyggð er heilsárs búgarðabyggð í 4km fjarlægð frá Selfossi og ca 45 mínútna akstri frá Reykjavík. Lóðirnar eru á 600ha landsvæði, þær eru 4-6 saman í klasa. Á milli klasa liggja breiðar göngu- og reiðleiðir til afnota fyrir lóðareigendur. Tjarnarbyggð er skemmtilegur kostur fyrir fólk sem vill búa í sveitinni og nýta sér alla þjónustu eins og þéttbýlið hefur upp á að bjóða. Byggja má íbúðarhús og útihús á lóðunum sem eru allt að 1500 fm stærð og víðtækar heimildir eru til margvíslegrar atvinnustarfsemi sem tengd er landbúnaði í samræmi við aðalskipulag Árborgar. Er þar nefnt sem dæmi ýmiskonar dýrahald og ræktun, nokkurskonar frístundabúskapur með takmörkuðum fjölda húsdýra, bænda- eða búgarðagisting. Einnig er þar nefnd útleiga gróðurreita fyrir matjurta- eða skólagarða, tamningar, reiðskólar, ýmis fræðslustarfsemi og námskeiðahald um ræktun, náttúru, gróður, meðferð og umönnun dýra. Heimili, skemma, gróðurhús. léttur iðnaður, gistiþjónusta, hesthús m.m. getur verið allt á einum stað.

Byggingar:
Heimilt er að byggja íbúðarhúsnæði allt að 1000 fm að brúttófleti auk þeirra úthúsa sem fylgja starfsemi sem fram fer á lóðinni, en skulu útihús og íbúðarhús þó aldrei vera stærri en 1500 fm samtals að brúttófleti. Árborg og viðkomandi veitur sjá um allan rekstur svæðisins t.d. snjómokstur, sorphirðu og skólaakstur. Kaupandi greiðir inntaksgöld fyrir rafmagn og heitt og kalt vatn en búið er að greiða gatnagerðagjöldin.

Nánari upplýsingar veitir:
Sverrir Sigurjónsson löggiltur fasteignasali / s.662 4422 / sverrir@domusnova.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Gjöld sem kaupandi þarf að standa straum af vegna kaupanna:

Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.

Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.

Lántökugjald lánastofnunar. Um lántökugjald vísast í gjaldskrá viðkomandi lánveitanda.

Umsýsluþóknun fasteignasölu skv. gjaldskrá.

Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.